WELKOM BY SENIOR MIND MOVES

Ons is ambassadeurs van jeugdige en positiewe veroudering.

Senior Mind Moves is 'n BEWEGINGSPROGRAM

en beweging is een van die belangrikste boustene van gesondheid, ‘n helder verstand en lewenskwaliteit.

Hieronder verskyn die dinamiese individue agter die program, soos dit op Met 'n Huppel in die Stap op kykNET uitgesaai is.

Die tweede helfte van jou lewe
kan en moet meer kreatief, meer impakvol,
meer betekenisvol, meer avontuurlik
en gevul met meer leer en positiewe bydraes
tot die samelewing as die eerste helfte wees"
- Bob Buford

Beginsels vir
die optimalisering van die aftreejare

Senior Mind Moves vir gesondheid, helderheid van denke en lewenskwaliteit.

Beperk sit: Te dikwels beskou ons die aftree-ouderdom as 'n fase van sit en 'niks doen', maar bewegingskenner, Dr Paul Dennison sê: "Beweging en behoorlike asemhaling is van kardinale belang vir ons om te oorleef en gesond te bly".

Bly betrokke: Dit is die tyd om lewens te verryk en te verseker dat jy 'n nalatenskap agterlaat. "Sorg dat jou lewe in ryk kleure geverf is en 'n baken van hoop vir ander word."

Bly aktief:: Handhaaf 'n goeie sin vir humor en bly aktief, dit bevorder: breinaktiwiteit, geheue, postuur en spierkrag.